ЧЕ-2020 у гандболе: Зборнай Беларусі для выхаду з групы дастаткова не саступіць Чарнагорыі

Матч паміж імі пачнецца 13 студзеня ў 20.15.

Нацыянальную каманду Беларусі для выхаду ў асноўны раўнд чэмпіянату Еўропы-2020 задаволіць і нічыя ў заключным матчы папярэдняга раўнду супраць каманды Чарнагорыі, паведамляе pressball.by.

Пасля двух тураў у актыве беларусаў і чарнагорцаў два балы, пры гэтым розніца мячоў лепшая ў каманды Юрыя Шаўцова ("-3" супраць "-5"). Такім чынам, балканская зборная зможа абысці каманду Беларусі толькі ў выпадку перамогі. Параза пакіне нашу зборную за бортам турніру.

Пры станоўчым зыходзе беларусы выйдуць у асноўны раўнд без балаў, зборная Харватыі "возьме з сабой" два балы.

Матч Чарнагорыя – Беларусь пройдзе 13 студзеня. Пачатак – у 20.15.

ЧЕ-2020. Зборная Беларусі саступіла камандзе Харватыі

ЧЕ-2020. Зборная Чарнагорыі нанесла паразу камандзе Сербіі і зраўнялася з беларусамі ў балах

Група «А»: Харватыя – 4 (2), Беларусь – 2 (2), Чарнагорыя – 2 (2), Сербія – 0 (2).