«Белтэлекам» падвышае цэны на паслугі

Кошты вырастуць у тым ліку і на доступ у інтэрнэт.

«Белтэлекам» плануе павысіць тарыфы на асобныя паслугі электрасувязі (у тым ліку на некаторыя тарыфы для доступу ў інтэрнэт) у сярэднім на 5% ужо з 25 студзеня. Напрыклад, кошт пакета паслуг «ясная 100» павялічыцца на 33 капейкі ў разліку на адну паслугу. Пра гэта паведамляецца на сайце аператара.

Аператар адзначае, што пастанова аб пераглядзе тарыфаў прынятая ў рамках запланаванага на 2020 год індэкса росту спажывецкіх цэн - гэта дазволіць падтрымаць узровень акупнасці паслуг электрасувязі на ўзроўні 2019-га.

Але пры гэтым змяненне кошту не закране:

рэгуляваных тарыфаў на паслугі мясцовай і міжгароднай тэлефоннай сувязі;

паслуг доступу ў лінейна-кабельныя збудаванні;

паслуг падачы доступу да міжнародных сетак перадачы звестак, у тым ліку доступу да сеткі Інтэрнэт для аператараў электрасувязі;

паслуг хостынгу, відэакантролю і інш.

З абноўленымі тарыфамі можна азнаёміцца тут. Напрыклад, «Рэкорд 10» і «Рэкорд 25» падаражэюць на 50 капеек - да 19,5 рубля і 21,5 рубля адпаведна.