29 лютага 2020, Субота, 7:47
Засталося зусім крыху
Рубрыкі

СМІ: Беларус узяў закладніцу ў «Масква-Сіці»

32
СМІ: Беларус узяў закладніцу ў «Масква-Сіці»

Мужчына быў узброены нажом.

У адным з будынкаў ГЦ «Масква-Сіці» на Прэсненскай набярэжнай у сталіцы Расеі мужчына захапіў закладніцу. Яго ўжо затрымалі. Расейскія СМІ паведамляюць, што гэта грамадзянін Беларусі, піша tut.by.

Паліцыя затрымалі мужчыну, які пагражаў дзяўчыне нажом і ўтрымліваў яе ў адным з будынкаў ГЦ «Масква-Сіці» на Прэсненскай набярэжнай у Маскве.

«Сёння на службу «02» паступіла паведамленне аб тым, што ў будынку на Прэсненскай набярэжнай мужчына, пагражаючы прадметам, падобным на нож, утрымлівае жанчыну. На месца здарэння неадкладна прыбылі супрацоўнікі паліцыі, якія затрымалі зламысніка і вызвалілі дзяўчыну», - паведаміў ТАСС са спасылкай на прэс-службу ГУ МУС Масквы.

У выніку інцыдэнту ніхто не пацярпеў. Затрыманы дастаўлены ў аддзел паліцыі для разбору.

Як паведамляе baza.io, мужчыну, які зладзіў захоп, клічуць Віктар Крысін. Таксама паведамляецца, што ён беларус.