Урад РФ падаў у адстаўку

Пуцін прапанаваў Мядзведзеву заняць пасаду намесніка старшыні Савета бяспекі.

Урад РФ падае ў адстаўку ў адпаведнасці з 117 артыкулам Канстытуцыі, паведаміў прэм'ер-міністр РФ Дзмітрый Мядзведзеў, піша «Інтэрфакс».

Прэзідэнт РФ Уладзімір Пуцін даручыў старому складу выконваць абавязкі да прызначэння новага ўрада. Са слоў Мядзведзева, далейшую пастанову аб новым складзе кабінета міністраў будзе прымаць Пуцін.

Пастанова аб адстаўцы ўрада РФ было прынятая адразу пасля прапановы Уладзіміра Пуціна змяніць Канстытуцыю Расеі і правесці адпаведны рэферэндум. Са слоў Мядзведзева, гэтыя змены памяняюць баланс выканаўчай, заканадаўчай і судовай улады.

«У гэтым кантэксце відавочна, што мы, як урад Расейскай Федэрацыі, павінны надаць прэзідэнту нашай краіны магчымасць прымаць усе неабходныя пастановы. І ў гэтых варунках, я мяркую, што было правільным у адпаведнасці з артыкулам 117 Канстытуцыі РФ урад Расейскай Федэрацыі ў цяперашнім складзе падаў у адстаўку», - сказаў Мядзведзеў.

Уладзімір Пуцін у адказ на гэта прапанаваў Мядзведзеву заняць пасаду намесніка старшыні Савета бяспекі. Да фармавання новага ўрада.