Аўстраліі спатрэбіцца 100 гадоў для поўнага аднаўлення

Дым ад пажараў можа ўплываць на атмасферныя ўмовы ва ўсім свеце.

Аўстраліі спатрэбіцца 100 гадоў, каб цалкам аднавіцца пасля пажараў. Пра гэта піша liga.net са спасылкай на The Sun.

У выніку пажараў, паводле звестак выдання, загінула не менш як 28 чалавек, было разбурана больш за 2 000 дамоў.

Прадстаўнік NASA распавёў, што пажары выклікалі з'яўленне вялікай колькасці так званых піракумуланімбусаў - выкліканых агнём навальніц, ад якіх дым распаўсюджваецца ў стратасферу на вышыню 11 міль. Апынуўшыся ў стратасферы, дым можа распаўсюджвацца за тысячы кіламетраў ад сваёй крыніцы, уплываючы на атмасферныя ўмовы ва ўсім свеце.

NASA адзначае, што дымныя шлейфы ад агню здзяйсняюць поўны абарот вакол зямнога шара, дым таксама «затуманіў неба» ў Паўднёвай Амерыцы, а ў Новай Зеландыі неба «рэзка змяніла колер», а таксама назіраюцца сур'ёзныя праблемы з якасцю паветра.