Дзіўныя сувязі

Партрэт прэм'ер-міністра РФ Мішусціна ў бізнэс-коле.

Новы старшыня ўрада РФ, былы кіраўнік ФНС Міхаіл Мішусцін уваходны ў кампаніі з мільярднымі абарачэннямі. Ягоныя сваякі залучаныя ў бізнэс прадпрымальніка, якога падазравалі ў падатковым махлярстве, але потым раптам падазраваць перасталі, піша mnews.world.

На магутную сваячку прэм'ер-міністра Наталлю Сценіну першым звярнула ўвагу пецярбуржскае выданне «Фонтанка»: дама вядзе супольны бізнэс з дэвелаперам Аляксандрам Удодавым, чальцом управы Еўразійскага трубаправоднага кансорцыума. А «Коммерсант» калісьці пісаў, як гэтага бізнэсоўца следства правярала на незаконную кампенсацыю ПДВ, і было гэта акурат на світанку кар'еры Міхаіла Мішусціна на чале ФНС. M.News высветлілі некаторыя новыя падрабязнасці.

Наталля Сценіна нарадзілася ў 1970 годзе. Мінімум да 1999 года яна была Мішусцінай. Жыла ў горадзе Лобне Маскоўскай вобласці - там жа, дзе і новы кіраўнік урада. Да замужжа Сценіна працавала ў кампаніі «Аэрафлот». Яна па-ранейшаму падтрымлівае сувязі з былымі калегамі.

Жыццё Наталлі рэзка змянілася пасля пераходу брата на дзяржаўную службу. З 1999 да 2004 года Міхаіл Мішусцін працаваў намеснікам міністра Расеі падаткаў і збораў.

На гэтыя гады прыпадае перыяд магутнага ўзбагачэння Мішусціных. Намеснік міністра і ягная жонка Уладлена пераязджаюць у катэджны пасёлак «Котан Вэй» за 24 кіламетры ад МКАД. У іх уласнасці з'яўляецца дом плошчай амаль 900 квадратных метраў і пляц 55 сотак. Рынкавы кошт маёмаснага комплексу, калі абапірацца на прапановы агенцтваў нерухомасці, перавышае 500 мільёнаў рублёў.

У пачатку 2000-х свой надзел атрымалі бацькі Мішусціна. Бацька, Уладзімір Майсеевіч, у той час працаваў экскурсаводам музея «Аэрафлота» - пра гэта пісала газета Лобненскага ліцэя. Нерухомасць афармлялася на маці, Луізу Міхайлаўну.

Але больш за ўсё маёмасці адышло Наталлі Сценінай. Са звестак Федэральнай службы дзяржаўнай рэгістрацыі, кадастру і картаграфіі, з 2002 да 2009 года ва ўласнасць сястры цяперашняга прэм'ера адышлі два палацы агульнай плошчай блізу 1000 квадратных метраў і зямельныя надзелы рынкавым коштам блізу 500 мільёнаў рублёў. Частка аб'ектаў перайшла Сценінай бязвыплатна, паводле дамоў дарэння. Да гэтага належала ўжо згаданаму Аляксандру Удодаву і ягонаму калегу-бізнэсоўцу Аляксандру Карманаву.

Аляксандр Карманаў - уладальнік Еўразійскай трубаправоднага кансорцыума (ЕТК). Гэта найбуйнейшы пастаўшчык труб вялікага дыяметра сыравінным гігантаў. Актывы кампаніі перавышаюць 50 мільярдаў рублёў, паводле падлікаў Forbes. Карманаў вядомы ў Расеі як заснавальнік стрып-клуба «Мроі» і ўладальнік музычнага канала A-One.

Аляксандр Удодаў - чалец управы ЕТК, былы віцэ-прэзідэнт «Ітэра Груп», уладальнік люксавых гандлёвых галерэй «Гіменей» і «Якіманка, 26» у Маскве. У 2017 годзе адкрыў фабрыку для вытворчасці шампіньёнаў «Грыбная вясёлка» ў Курскай вобласці.

У 2011 годзе Удодавым зацікавіўся Следчы камітэт і ФСБ. Паводле версіі следства, намесніца кіраўніка Управы федэральнай падатковай службы Масквы Вольга Чэрнічук і бізнэсовец маглі быць датычныя да незаконнай кампенсацыі падатку на дададзеную вартасць сумай 1,8 мільярда рублёў. Абшукаць Удодава не ўдалося: ён нечакана паляцеў у Мюнхен.

Федэральную падатковую службу, дзе працавала Чэрнічук, дагэтуль ужо год як узначальваў Мішусцін. Яго ведамства выступіла з рэзкай крытыкай следства і звярнулася ў Генеральную пракуратуру. Крымінальная справа растварылася. Больш пра яго не пісалі.

Да моманту прызначэння Мішусціна на пасаду кіраўніка ФНС яго сувязі з Аляксандрам Удодавым былі больш чым трывалыя. Наталля Сценіна і прадпрымальнік выступілі заснавальнікамі хакейнага клуба «Спорціма» ў падмаскоўным Адзінцове. Гэтая каманда ўдзельнічала ў розных аматарскіх турнірах, але нязменна - у VIP-складзе. Акрамя Мішусціна і Удодава, у ёй гулялі ўрадавыя чыноўнікі, зоркі спорту і буйныя бізнэсоўцы.

Удодаў і Сценіна ўваходзяць у склад заснавальнікаў фонду спрыяння аднаўленню храма Спаса Нерукатворнага вобраза ў Адзінцове (разам з цяперашнім віцэ-прэзідэнтам - кіраўніком Службы ўнутранага аўдыту «Раснафты» Генадзем Букаевым) і валодаюць рэстаранам «Недальний восток» на Цвярскім бульвары Масквы.

Рэстаранны бізнэс Сценінай і Удодаў дзеляць з «крамлёўскім поварам №2» Аркадзем Новікавым - заснавальнікам Novikov Group. Пад яго кантролем знаходзяцца 70 рэстаранаў ва ўсім свеце, кейтэрынгавых кампанія і цяплічная гаспадарка «Аграном». Фірма Новікава «Интелли» запар абслугоўваць мерапрыемствы ФГУП «Прэзідэнт-Сэрвіс», за 2017-2018 гады атрымаўшы дзяржкантракты на суму 6,6 мільёна рублёў. Новікаў забяспечваў фуршэты ў рэзідэнцыі «Горкі» і пратакольныя мерапрыемствы на ўзроўні прэм'ер-міністра Дзмітрыя Мядзведзева. Да аб'ёмаў «крамлёўскага кухара № 1» Яўгена Прыгожына прадпрымальніку далёка, але са зменай кіраўніка ўрада ўсё можа змяніцца.

Пляменнік Міхаіла Мішусціна - Міхаіл Сценінін - таксама ўладкаваны. Мяркуючы з закрытай старонкі ў сацсетцы «Вконтакте», ён працуе ў Аляксандра Удодава ў групе кампаній Aforra Group.

У прэм'ер-міністра трое дзяцей. На старэйшых, 20-гадовага Аляксандра і 19-гадовага Аляксея, аформлены дом у «Котан Вэй». У 2010-х гадах яны спасцігалі навуку ў прыватнай школе Institut Le Rosey ў Швайцарыі. Цяпер вучацца на першым і другім курсах МГТУ імя Баўмана ў Маскве, у абодвух спецыяльнасць «прыкладная матэматыка і інфарматыка». Мяркуючы з частаты пералётаў, сваякі прэм'ер-міністра вельмі любяць Швайцарыю.

Міхаіл Мішусцін - не толькі палітык і кіраўнік, але і творчая асоба. У яго сям'і любяць Рыгора Лепса. У архіве Наталлі Сценінай за 2013 год ёсць фатаграфія з музыкам.

На сайце Расейскага аўтарскага таварыства ў рэестры твораў расейскіх праваўладальнікаў згаданы поўны цёзка прэм'ера - у якасці кампазітара песень Рыгора Лепса «Зола» і «Настоящая женщина». Пад мелодыю, складзеную Міхаілам Уладзіміравічам Мішусціным, выканаўца «Золы» напявае радкі «Он отыскал заветный клад и был от радости крылат, да только с золотом нашел и зло».