Кіраўнік фракцыі «Слуга народа» назваў версіі з'яўлення праслухоўвання Ганчарука
9- 17.01.2020, 15:59
- 18,507
Ёсць дзве версіі з'яўлення скандальнага запісу з прэм'ерам Украіны.
Кіраўнік украінскай парламенцкай фракцыі «Слуга народа» Давід Арахамія назваў магчымыя версіі з'яўлення скандальнага аўдыёзапісу з нарады ўрада, піша «Новое время».
З ягоных слоў, на сёння іх дзве.
«Я думаю, гэта дакладна будзе нейкае расследаванне... Існуюць дзве версіі - альбо гэта праслухоўванне, якое праводзіцца у інтарэсах нейкай асобы, альбо гэта адзін з суразмоўцаў запісаў на ўласны тэлефон... Колькі суразмоўцаў было - усе маглі запісаць тэарэтычна», - заявіў нардэп у каментары журналістам у кулуарах Вярхоўнай Рады Украіны.
Раней паведамлялася, што прэм'ер Аляксей Ганчарук падаў у адстаўку.
Нагадаем, што 15 студзеня на YouTube-канале «Як падмануць прэзідэнта» быў апублікаваны аўдыёзапіс з нібыта размовай Ганчарука з намесніцай кіраўніка Нацыянальнага банка Украіны Кацярынай Ражковай і міністрам фінансаў Аксанай Маркаравай пра курс даляра і эканамічных пытаннях перад сустрэчай з прэзідэнтам Уладзімірам Зяленскім.
На ёй чалавек з голасам, падобным на Ганчарука, кажа пра тое, што ў прэзідэнта вельмі прымітыўнае разуменне эканамічных працэсаў.
Паводле інфармацыі СМІ, пасля публікацыі гэтага аўдыёзапісу на пасяджэнні фракцыі «Слуга народа» адбылася сварка. Дэпутаты абурыліся праз выказванні аб прэзідэнце, а некаторыя прапанавалі выказаць недавер кіраўніку ўрада.