19 лютага 2020, Серада, 22:20
Засталося зусім крыху
Рубрыкі

Медыкі назвалі yfqлепшыя прадукты для дзіцячага здароўя

Медыкі назвалі yfqлепшыя прадукты для дзіцячага здароўя

Узмацніць абарону арганізма дапаможа булён і часнок.

Замежныя спецыялісты прадставілі ўвазе шэсць найлепшых прадуктаў-абаронцаў дзіцячага здароўя. Да прыкладу, адмыслоўцы раяць школьнікам налягаць на цытрусавыя, піша lenta.ua.

Сярод цытрусавых асабліва карысныя лімоны, апельсіны, грэйпфруты, мандарыны праз высокае змяшчэнне вітаміну C, які павышае ўзровень лейкацытаў, паніжаны ж яго паказчык робіць арганізм уразлівым перад патагенным уздзеяннем вірусаў і бактэрый. Мала таго, аскарбінавая кіслата неабходна для лепшага засваення кальцыю і жалеза, што асабліва важна для маладога арганізма.

Чырвоны перац з'яўляецца багатай крыніцай бэта-караціну, які дапамагае і ўмацаваць імунную сістэму, і які з'яўляецца прафілактычным сродкам супраць захворванняў скуры, выкліканых неспрыяльнымі фактарамі навакольнага асяроддзя, у тым ліку і УФ-выпраменьваннем. Рэчыва адыгрывае значную ролю і для здароўя вачэй.

Экспэрты ўважаюць за важнае для дзяцей ужыванне курыцы, бо яна мае ў сваім складзе дастатковую колькасць вітаміну В6, які ўдзельнічае ў стварэнні эрытрацытаў, неабходных для дастаўкі кіслароду ў кожную клетку арганізма, таму бацькам рэкамендуецца песціць сваіх дзяцей адпаведным супам.

У гэтым жа спісе часнок, які дапамагае ўзмацніць абарону арганізма ад прастудных захворванняў праз наяўнасць у ім серазмяшчальных злучэнняў.

Пяты рэкамендаваны прадукт - брокалі, бо гаворка ідзе шматлікія вітаміны, антыаксіданты і харчовыя валокны, якія адыгрываюць вялікую ролю ў паляпшэнні працы ўсіх сістэм арганізма.

Палепшыць функцыянаванне стрававальнага шляху дапамогуць арэхі, багатыя вітамінам Е, недахоп яго пагражае праблемамі з абменнымі працэсамі і імунітэтам.