У нямецкія гарады вярнуліся трактарныя маршы пратэсту
3- 17.01.2020, 19:38
- 141,520
Па цэнтры Бэрліна праехалі 500 трактароў.
У дзень адкрыцця найбуйнейшага міжнароднага сельскагаспадарчага і харчовага кірмашу «Зялёны тыдзень 2020», у пятніцу, 17 студзеня, на вуліцы нямецкіх гарадоў вярнуліся пратэставаць фермеры, піша сайт dw.com.
Яны выступаюць супраць узмацнення жорсткасці палітыкі ў галіне абароны клімату і жывёл і патрабуюць абмеркавання сельскагаспадарчага пакета федэральнага ўрада.
Трактарныя маршы прайшлі ў Бэрліне, Дрэздэне, Гановеры, Брэмене, Штутгарцэ, Нюрнбергу і іншых гарадах Нямеччыны, абмежаваўшы рух транспарту. Фермеры, якія ўжо пратэставалі раней у 2019 годзе, крытыкуюць, між іншым, запланаванае ўзмацненне жорсткасці правіл прымянення ўгнаенняў. Адна з нормаў урадавага сельгаспакета ў мэтах абароны казурак і жывёл абмяжоўвае выкарыстанне пестыцыдаў.
У Бэрліне і іншых гарадах на 18 студзеня запланаваныя акцыі эколагаў і абаронцаў жывёл. Яны выйдуць на вуліцы з дэвізам «Мы сытыя па горла», каб дзеля аховы навакольнага асяроддзя запатрабаваць больш строгіх законаў у сферы сельскай гаспадаркі.