Палітолаг: Пуцін яшчэ больш жорстка будзе спрабаваць «лячыць» Лукашэнку
15- 18.01.2020, 10:30
- 21,465
Для гэтага прызначаны «доктар» Мішусцін.
Як цяпер складуцца стасункі паміж прэм'ерамі Беларусі і Расеі, ніхто ўпэўнена нават выказаць здагадку не можа, адзначае палітычны аглядальнік Раман Якаўлеўскі ў калонцы на DELFI.
– Выправіўшы ў адстаўку ўрад Мядзведзева, які заявіў пра пачатак «паглыблення інтэграцыі» паміж РФ і РБ, як мяркуюць назіральнікі, Пуцін яшчэ больш жорстка будзе спрабаваць «лячыць» нерэфармаваны Менск з дапамогай розных інструментаў уздзеяння, сярод якіх новы маскоўскі прэм'ер будзе значна больш прафесійна іх ужываць для беларускага пацыента, – піша аглядальнік.
Ён адзначае, што ў Маскве Міхаіла Мішусціна ўважаюць бліскучым крызісным мэнэджарам, якога перыядычна перакідваюць з аднаго праблемнага поля на іншае. На думку эксперта, Беларусь не стане для яго галоўным надзелам, але прыкметным.