26 лютага 2020, Серада, 13:28
Засталося зусім крыху
Рубрыкі

У Аўстрыі легкавік збіў траіх дальнабойнікаў з Беларусі, якія ішлі па дарозе

6
У Аўстрыі легкавік збіў траіх дальнабойнікаў з Беларусі, якія ішлі па дарозе
ІЛЮСТРАЦЫЙНАЕ ФОТА

Адзін з іх загінуў.

У мінулую суботу ў Аўстрыі італійскі кіроўца збіў на дарозе трох мужчын - гэта былі беларускія дальнабойнікі. Адзін з іх загінуў, паведамляе Salzburger Nachrichten (пераклад - tut.by) са спасылкай на мясцовую паліцыю.

ДТЗ адбылося блізу 12.00 у суботу, 18 студзеня, у аўстрыйскім горадзе Арнольдштэйне, непадалёку ад мяжы з Італіяй і Славеніяй.

Легкавы аўтамабіль ехаў заснежанай крутой дарогай, а на супрацьлеглым баку ў гэты час ішлі тры пешаходы. Як мяркуецца, легкавік пры павароце направа занесла на людзей і іх прыціснула да агароджы або адкінула ў яе бок. Магчыма, адзін чалавек ад удару адляцеў у лес.

Дапамога пацярпелым прыйшла позна. У выніку аварыі два чалавекі атрымалі траўмы, адзін загінуў.

Паводле інфармацыі паліцыі, пацярпелыя пешаходы - беларускія кіроўцы цяжкавікоў, якія працавалі на літоўскую кампанію. На выходных яны прыпаркавалі свае аўто ў мястэчку Цёрл-Маглерн і мелі намер хадзіць па крамах пешшу. За стырном легкавога аўто, які ўчыніў ДТЗ, быў 73-гадовы італіец, які пражывае ў Аўстрыі.

Паліцыя высвятляе падрабязнасці аварыі, дзяржабвінаваўца канфіскаваў аўтамабіль для далейшых аглядаў.

Паводле непацверджанай інфармацыі, загінулы пешаход - 30-гадовы жыхар Пінска. Атрымаць каментар у літоўскай фірмы-возніка журналістам не ўдалося.