У Швайцарыі стартуе Давоскі форум: хто возьме ўдзел

На форум прыедуць амаль 3000 лідараў са 117 краін.

У швайцарскім Давосе 21 студзеня адкрываецца 50-сесія Сусветнага эканамічнага форуму. Пра гэта паведамляе РБК са спасылкай на сайт форуму.

Галоўнай тэмай Давоскага форуму сёлета стане фармаванне капіталізму для ўсіх зацікаўленых бакоў. Форум адкрыецца ўступных зваротам заснавальніка ВЭФ Клаўса Шваба.

У рамках традыцыйнай штогадовай сустрэчы ў Давосе будзе дадзены старт дзвюм глабальным ініцыятывам. Адна з ініцыятыў - глабальная адукацыйная праграма, якая дазволіць навучыць 1 млрд чалавек ва ўсім свеце. Другая - высадка ва ўсім свеце 1 млрд дрэў.

На форум прыедуць амаль 3000 лідараў са 117 краін, у тым ліку кіраўнікоў 53 краін і ўрадаў. Будуць кіраўнікі краін і ўрадаў Аўстрыі, Італіі, Гішпаніі, Нідэрландаў, Грэцыі, Польшчы, Швайцарыі, Афганістана, Пакістана, Ірака, Сінгапура, Эквадора, Калумбіі, Ярданіі ды іншых.

Чакаецца, што на форум прыедуць:

Дональд Трамп - прэзідэнт ЗША;

Ангела Мэркель - канцлерка Нямеччыны;

Урсула фон дэр Ляен - старшыня Еўракамісіі;

Хан Чжэн - віцэ-прэм'ер Кітая;

Віні Бьяніма - генеральны сакратар Арганізацыі Аб'яднаных Нацый; выканаўчы дырэктар ЮНЭЙДС;

Крысцін Лагард - прэзідэнт Еўрапейскага Цэнтральнага Банка;

Грэта Тунберг - экалагічная актывістка.

Рэўвен Рыўлін - прэзідэнт Ізраіля;

Уладзімір Пуцін - прэзідэнт Расейскай Федэрацыі,

Біньямін Нетаньяху - прэм'ер-міністр Ізраіля,

Эмануэль Макрон - прэзідэнт Францыі,

Прынц Валійскі Чарльз,

Франк-Вальтэр Штайнмаер - прэзідэнт Нямеччыны.

Таксама чакаецца пацвярджэнне ўдзелу і выступу віцэ-прэзідэнта ЗША Майка Пэнса, адзначылі арганізатары.

Раней СМІ пісалі, што на форуме будзе прысутнічаць прэзідэнт Украіны Уладзімір Зяленскі.