Менчукі выявілі расколіну ў сцяне дома, які будуецца ў «Новай Баравой»

Дольшчыкі шакаваныя.

Жыхары (сапраўдныя і будучыя) «Новай Баравой» - адны з самых уважлівых і патрабавальных, а таму не праглядзяць аніводной дэталі, піша «Онлайнер». Нядаўна дольшчыкі квартала «Паўночнае ззянне» звярнулі ўвагу на дзівацтва: цагляны мур на модных «скошаных» паверхах, надбудаваных над панэльнымі, пачалі «расслойвацца». «Гэта ўвогуле нармальна?», «Шчыліна запененая?», «Наогул, не смешна», «Маўчаць не станем», - паляцелі гнеўныя каментары.

Сцяна апошняга паверху і напраўду выглядае падазрона: чалавеку, які будуе менавіта гэтую кватэру, відавочна не да смеху. Відавочна, што запеньваннем справа не абмяжуецца, але што з гэтай нагоды скажа забудоўшчык?

- Мы рэгулярна праводзім унутраны кантроль якасці работ, што выконваюцца падрадчыкамі. Па гэтаму недахопу падрадчык атрымаў заўвагу яшчэ на мінулым тыдні. Ён пачне ліквідоўваць недахоп у найбліжэйшым часе. Апошні тэрмін выканання работ - канец студзеня. Гэтае пытанне мы трымаем на кантролі і будзем уважліва сачыць за тэрмінамі і якасцю работ падрадчыка, - растлумачылі ў «А-100 Дэвелапмент».