У Расеі пачалі прадаваць іконы з Пуціным
55- 21.01.2020, 11:15
- 29,355
Кошт кожнай - блізу 1260 даляраў.
У пецярбуржскім аэрапорце Пулкава заўважылі ў продажы абраз з прэзідэнтам Расеі Уладзімірам Пуціным. Карыстальнікаў інтэрнэту цікавіць, ці можа іканапісец выяўляць жывых людзей, паведамляе znak.com.
Абраз заўважыў старшыня калегіі адвакатаў «Прызыўнік» Аркадзь Чаплыгін. Ён размясціў фота з абразом, на якім намаляваны Пуцін, у сваім Twitter. «А што, ужо дазволілі жывых кананізаваць? Або тыя, хто кажа, што краінай кіруюць двайнікі Пуціна, мелі рацыю?» - пытаецца ён.
Вот такие иконы продаются в аэропорту "Пулково". А что, уже разрешили живых канонизировать? Или те, кто говорит, что страной правят двойники Путина, оказались правы? pic.twitter.com/FZhSeDNkpk
— Аркадий Чаплыгин (@ArkChaplygin) January 20, 2020
У каментарах да твітаў ён удакладняе, што кошт іконы складае 79 тысяч рублёў (блізу $1264 - рэд.). Там жа карыстальнікі адзначаюць, што гэта на 4 тысячы рублёў больш, чым выплаты ветэранам да 75-годдзя Перамогі ў Вялікай Айчыннай вайне.
Між тым у праваслаўі існуе меркаванне, што жывых людзей нельга выяўляць на абразах, бо яны не цалкам вольныя ад граху.
Нагадаем, у 2012 годзе, у разгар прэзідэнцкай гонкі, стала вядома, што абраз з выявай Пуціна пачаў сплываць мірай. Гэта адбылося ў Ніжагародскай вобласці, дзе ў 2005 годзе ў пасёлку Вялікая Ельня ўтварылася суполка прыхільнікаў Уладзіміра Пуціна.
