«Белнафтахім»: Менск скасаваў прыпыненне экспарту нафтапрадуктаў
9- 21.01.2020, 15:28
- 19,737
Аднак экспарт не выйшаў на патрэбныя аб'ёмы.
Прыпыненне экспарту нафтапрадуктаў з Беларусі скасаванае. Пра гэта заявіў журналістам старшыня канцэрна «Белнафтахім» Андрэй Рыбакоў, паведамляе карэспандэнт БелТА.
«Гэта быў невялікі перыяд прыпынення. Прыпыненне скасаванае. Хоць мы пакуль не выйшлі на тыя аб'ёмы экспарту, якія прапісвалі намі ў бізнэс-плане. Але сам экспарт у нас не пад забаронай», - сказаў кіраўнік канцэрна.
Як паведамлялася раней, Беларусь прыпыняла экспарт нафтапрадуктаў, каб гарантавана забяспечыць патрэбнасці ўнутранага рынку. Экспарт нафтапрадуктаў быў спынены пасля таго, як РФ скасавала пастаўкі нафты ў Беларусь.