Герасімаў даціснуў Рууда ў пяцісэтавым трылеры і выйшаў у другое кола Australian Open

Матч першай ракеткі Беларусі ды нарвежца доўжыўся 3 гадзіны 37 хвілін.

Першая ракетка Беларусі Ягор Герасімаў (98 АТП) прабіўся ў 1/32 фіналу Адкрытага чэмпіянату Аўстраліі. У матчы 1/64 ён у цяжкім пяцісэтавым паядынку зламаў супраціў нарвежца Каспера Рууда (48) - 6:3, 7:6, 1:6, 4:6, 7:6, паведамляе pressball.by.

Падчас матчу, які доўжыўся 3 гадзіны 37 хвілін, беларусу давялося ўжыць медыцынскі тайм-аўт.

Е.Герасімаў (Беларусь) - К.Рууд (Нарвегія) - 6:3, 7:6 (8:6), 1:6, 4:6, 7:6 (10:6)