Улады Кітая заявілі пра мутацыі і распаўсюд новага каранавіруса
6- 22.01.2020, 9:17
- 13,920
Колькасць смяротных выпадкаў павялічылася.
Намеснік дзяржкамітэта Кітая ў пытаннях гігіены і здароўя Лі Бінь заявіў пра пагрозу мутацыі і распаўсюджвання новага каранавіруса.
Пра гэта паведамляе ВВС.
Таксама вырасла колькасць зарэгістраваных выпадкаў захворвання і смерцяў ад віруса.
«На цяперашні момант колькасць пацверджаных выпадкаў заражэння новым тыпам каранавіруса ў Кітаі дасягнула 440, дзевяць чалавек памерлі», – заявіў Лі Бінь.
Нагадаем. 21 студзеня быў зафіксаваны першы выпадак захворвання каранавірусам з Кітая ў ЗША.
Амерыканскія навукоўцы паведамілі, што на распрацоўку вакцыны спатрэбіцца некалькі месяцаў.
Новы вірус ужо распаўсюдзіўся на Тайланд, Японію і Паўднёвую Карэю, на Тайвань.
Навукоўцы мяркуюць, што асноўным носьбітам віруса з'яўляюцца жывёлы, але ён можа перадавацца ад чалавека да чалавека. Ён паражае дыхальную сістэму, страўнікава-кішачны тракт або нервовую сістэму, можа выклікаць бранхіт і пнеўманію.