25 лютага 2020, aўторак, 18:56
Засталося зусім крыху
Рубрыкі

Новы міністр спорту Расеі Алег Матыцын быў судзімы

13
Новы міністр спорту Расеі Алег Матыцын быў судзімы
АЛЕГ МАТЫЦЫН
ФОТА: РІА "НОВОСТИ"

Аднак яму ўдалося адкараскацца штрафам.

Новы міністр спорту Алег Матыцын у мінулым меў праблемы з законам. У 2012 годзе ён быў прызнаны вінаватым у перавышэнні службовых паўнамоцтваў праз перадачу зямель Расейскага дзяржаўнага ўніверсітэта фізічнай культуры, спорту і турызму пад Чаркізаўскі рынак. Пра гэта паведамленні РАПСІ нагадалі «Ведомости».

У сакавіку 2012 года Ізмайлаўскі суд Масквы аштрафаваў Матыцына. Пракуратура аспрэчыла прысуд, палічыўшы яго занадта мяккім.

Паводле версіі следства, былы рэктар Расейскага дзяржаўнага ўніверсітэта фізічнай культуры, спорту і турызму з 2001 да 2006 года здаваў камерцыйным структурам зямлю ВНУ і такім чынам прычыніў бюджэту шкоду.

Алег Матыцын сябе вінаватым не прызнаў. Ягоная адвакаты намагалі на спыненні крымінальнай справы, матывуючы тым, што дзеянні Матыцына не прычынілі шкоды бюджэту, бо плата за арэнду зямлі часткова пазбаўляла дзяржаву ад неабходнасці фінансаваць універсітэт.

У выніку ў ліпені 2012 года Басманны суд прызнаў вырак папярэдняй інстанцыі абгрунтаваным, пацвердзіўшы высновы аб вінаватасці Матыцына. Пры гэтым ён быў вызвалены ад пакарання ў сувязі са сканчэннем тэрміну даўнасці прыцягнення да крымінальнай адказнасці.

У Тэльмана Ісмаілава цяпер не так шмат падстаў для добрага настрою

Чаркізаўскі рынак з 1990-х гадоў з'яўляўся адной з самых вялікіх стыхійных гандлёвых пляцовак Масквы. У 2009 годзе яго закрылі праз парушэнні санітарных і пажарных правілаў. Пазней рынак быў знесены.

Матыцыну 55 гадоў, ён міжнародны спартовы чыноўнік з 2011 года. Ён узначальвае Міжнародную федэрацыю студэнцкага спорту, удзельнічаў у правядзенні Універсіяды ў Расеі. Учора Алег Матыцын быў прызначаны міністрам спорту ў новым урадзе Расеі пад старшынствам Міхаіла Мішусціна.