У Давосе створаная Дзелавая рада «Трохмор’я»
2- 22.01.2020, 18:42
- 14,294
У Дзелавую раду ўвойдуць прадстаўнікі 12-ці найбуйнейшых кампаній Цэнтральнай і Усходняй Еўропы.
Падчас сустрэчы ў Польскім Доме ў Давосе краіны Цэнтральнай і Усходняй Еўропы стварылі Дзелавую раду «Трохмор’я». Пра гэта паведаміў прэзідэнт Польшчы Анджэй Дуда. У створаную раду ўвайшлі адразу дзве польскія кампаніі - PZU і PKO S.A, паведамляе «Радыё Польшча».
«Я вельмі рады, таму што гэты крок сведчыць аб тым, што форма «Трохмор’я» развіваецца на розных узроўнях - рэгіянальным, урадавым, прэзідэнцкім, а цяпер і прадпрымальніцкім. Гэта сведчыць аб тым, што ініцыятыва «Трохмор’я» не толькі жывая, але і дынамічна развіваецца», - сказаў польскі прэзідэнт.
У Дзелавую раду «Трохмор’я» ўвойдуць прадстаўнікі дванаццаці найбуйнейшых кампаній Цэнтральнай і Усходняй Еўропы. Мэтай Рады стане садзейнічанне кантактам паміж прадпрыемствамі ў рэгіёне.