Tages-Anzeiger: Вернаму служку Крамля даводзіцца сысці

Гэта знак.

"Юрыя Чайку, генеральнага пракурора Расеі, вызвалілі ад пасады. У яго былі добрыя сувязі са Швайцарыяй", - піша швайцарскае выданне Tages-Anzeiger (пераклад - inopressa.ru).

«Ён уважаўся за самага магутнага чалавекам расейскай юстыцыі, а некаторы час нават адным з найбольш уплывовых людзей ва ўладным асяроддзі прэзідэнта Уладзіміра Пуціна, - адзначае журналіст Бернхард Адэналь. - Цяпер Юрыя Чайку прыбралі з гэтага атачэння. Цягам 13 гадоў 68-гадовы Чайка быў генеральным пракурорам Расеі».

«Чайка мог вызначаць, супраць каго весці следства і - што больш важна - супраць каго не весці. Таму, хто быў лаяльным да прэзідэнта Пуціна, не трэба было баяцца ўстановы Чайкі. Зрэшты, рэпутацыі палітычна незалежнага і непадкупнага чалавека Чайка хутчэй не меў».

«Пры гэтым менавіта падазрэнне ў незалежнасці аднойчы ўжо каштавала Чайку, ураджэнцу Усходняй Сібіры, працы: вясной 1999 года быў вымушаны сысці з генеральнага пракурора Юрый Скуратаў, бо ён узяў на прыцэл швайцарскую маёмасць сям'і прэзідэнта Барыса Ельцына. Будучы пераемнікам Скуратава, Чайка працягнуў супрацоўніцтва са швайцарскімі ўстановамі - і праз пяць месяцаў быў вымушаны пакінуць сваю пасаду. Ён стаў міністрам юстыцыі», - апавядае выданне.

«У 2006 годзе Чайка вярнуўся ў генеральную пракуратуру і цяпер пазбягаў канфрантацыі з Крамлём. Ён працягнуў падтрымліваць шчыльную сувязь са Швайцарыяй. Расейскія следчыя не раз запрашалі сваіх калег з федэральнай пракуратуры Швайцарыі на сустрэчы і канферэнцыі, у Маскву і на Байкал».

«Пры гэтым швайцарцаў па-царску прымалі і шчодра адорвалі, - адзначае Адэналь. - На адной антыкарупцыйнай канферэнцыі ў Маскве федэральны пракурор Міхаэль Лаўбэр атрымаў ад свайго калегі Чайкі так шмат падарункаў, што нават не змог узяць іх з сабой назад у самалёт у Цюрых. Ніводзін з падарункаў не быў асабістым, заявіла тады федэральная пракуратура. Зрэшты, у мінулым годзе адзін швайцарскі паліцэйскі і супрацоўнік федэральнай пракуратуры быў асуджаны за тое, што прыняў запрашэнне на мядзведжае паляванне ад аднаго расейскага пракурора з атачэння Чайкі».

«Датычнасць Чайкі да Швайцарыі мае, магчыма, не толькі юрыдычную прыроду. У 2015 годзе апазіцыянер Аляксей Навальны прадставіў у сваім відэа довады таго, што сыны Чайкі Арцём і Ігар вывелі ў Швайцарыю атрыманыя карупцыйных шляхам грошы і купілі там сярод іншага палац ля Жэнеўскага возера».

«Да нядаўняга часу здавалася, што генпракурор моцна сядзеў у сядле. Чаму цяпер пасля адстаўкі прэм'ера Мядзведзева і падчас маштабнай рэарганізацыі ўрада давялося сысці і Чайку, незразумела нават расейскім СМІ. Яго пераемнікам стане малады пракурор, які расследаваў забойства крытыкаў рэжыму і разглядае ўсё ў інтарэсах Пуціна. Чайка стане зараз паўнамоцным прадстаўніком прэзідэнта ў Паўночна-Каўказскай федэральнай акрузе».

«Гэта знак Крамля: вернаму служку даводзіцца сысці. Але ён не трапіў у няміласць», - рэзюмуе Tages-Anzeiger.