Лукашэнка пра «беларускі электракар»: Прыеду на Tesla, пастаўлю побач
29- 23.01.2020, 15:21
- 26,061
Дыктатар зноў згадаў пра «падарунак ад Маска».
Старшыня прэзідыума Нацыянальнай акадэміі навук Уладзімір Гусакоў запрасіў А. Лукашэнку пабываць у гасцях у прадстаўнікоў навукі, каб паглядзець на айчынны электратранспарт і іншыя распрацоўкі. Лукашэнка прыняў запрашэнне і паабяцаў прыехаць на сустрэчу на электрамабілі Tesla, паведамляе прэс-служба дыктатара.
- Добра, я прыеду на «Тэсла», пастаўлю побач, - заявіў Лукашэнка.
Нагадаем, Лукашэнка заявіў, што знакаміты электракар атрымаў у падарунак ад кіраўніка кампаніі Tesla Ілона Маска. Як выявілася, сам Ілон Маск нічога пра гэта не ведае.