Фотафакт: двайнікі Мэсі і Агуэро гуляюць за беларускі клуб
- 25.01.2020, 17:42
- 13,798
У «Гарадзеі» як быццам адмыслова збіраюць гульцоў, падобных да зорак футбола.
У інстаграме футбольнага клуба «Гарадзея» з'явілася фота з раздзявальні, на ім Андрэй Сарокін (злева), Кірыл Паўлючак (у цэнтры), Станіслаў Сазановіч (справа), піша kp.by.
Быццам бы нічога асаблівага. Але калі прыгледзецца, то ўсе трое падобныя да зорак сусветнага маштабу.
27-гадовы Станіслаў Сазановіч, адпусціўшы бараду, стаў падобны на Ліянэля Мэсі.
Можна сказаць, што ён пайшоў у следам за экс-трэнерам БАТЭ Аляксандрам Ярмаковічам. Калі ён змяніў імідж, шмат хто таксама заўважылі падабенства з зорным аргентынцам «Барсэлоны». Праўда, у пачатку таго сезона справы барысаўскага клуба не мелі поспеху і Ермаковіч для ўдача надумаў згаліць бараду.
23-гадовы расеец Андрэй Сарокін вельмі падобны на Серхія Агуэро - зорку "Манчэстар Сіці", найлепшага бамбардзіра ў гісторыі Прэм'ер-лігі сярод замежнікаў.
35-гадовы Кірыл Паўлючак з такой фрызурай вельмі падобны на гульца «Баерна» і чэмпіёна свету ў складзе каманды Нямеччыны Томаса Мюлера.
У свой час адзначалі, што экс-гулец менскага «Дынама» і каманды Беларусі, а цяпер першым намеснікам старшыні АБФФ Юры Вяргейчык падобны да Пітэра Краўча, вядомага з выступу за «Ліверпуль» і каманду Англіі. Яны падобныя як тварам, так і целаскладам.