У Афганістане ракета трапіла ў шрубалёт з Малдовы
- 26.01.2020, 12:42
- 13,031
Пацярпелі ўкраінскія пілоты.
У Афганістане ракета трапіла ў шрубалёт, які належыць малдаўскай авіякампаніі.
Пра гэта паведамляе Еўрапейская праўда са спасылкай на малдаўскі канал TV8.
Паводле звестак прадстаўніцы Управы авіяцыі Малдовы Ірыны Бадаліцы, у выніку інцыдэнту раненні атрымалі два ўкраінскія пілоты. Іх стан здавальняльны.
Шрубалёт атрымаў невялікія пашкоджанні.
Іншы шрубалёт, ужо з грамадзянамі Малдовы ў экіпажы, падабраў украінцаў пасля інцыдэнту.
Ва Управе авіяцыі сцвярджаюць, што шрубалёт выконваў гуманітарную місію.
Ракета трапіла ў яго ў той момант, калі шрубалёт знаходзіўся на зямлі.
У сваю чаргу Міністэрства абароны Афганістана паведаміла пра "інцыдэнт з шрубалётам прыватнай кампаніі", які адбыўся з тэхнічных прычынаў.