20 лютага 2020, Чацвер, 1:39
Засталося зусім крыху
Рубрыкі

Навукоўцы прымусілі гаварыць 3000-гадовую мумію

Навукоўцы прымусілі гаварыць 3000-гадовую мумію
ФОТА: LEEDS CITY MUSEUM

Cпецыялісты займаюцца такімі эксперыментамі не першы год.

Праз некалькі тысяч гадоў пасля пахавання даследчыкі змаглі разгаварыць 3000-гадовую егіпецкую мумію Несьямуна. Гэта стала магчымым дзякуючы галасавым звязкам высахлых парэшткаў, якія былі рэканструяваныя і раздрукаваныя на 3D-друкарцы. Са слоў саміх навукоўцаў гук, які выйшаў з атрыманага «імітатара», гучаў як працяглае «ээээх», піша «Популярная механика».

У інтэрв'ю The New York Times Дэвід Говард, спецыяліст у тэхніцы выступаў у Лонданскім універсітэце, растлумачыў сітуацыю. Ён займаецца такімі эксперыментамі не першы год і верыць, што аднойчы з дапамогай дэталёвай рэканструкцыі галасавога апарата ён зможа ў даслоўным сэнсе вярнуць голас людзям, якія жылі тысячы гадоў таму.

Папярэднія даследаванні ўключалі ў сябе пераважна імітацыі гартані жывёл, аднак навуковец прызнаецца, што вынік быў рэалістычным і ўсяляў надзею. Вядома, чалавечая гутарка нашмат больш складаная за гукі жывёлін, але яе імітацыя - гэта толькі пытанне часу.

Дарэчы, у 2016 годзе з дапамогай тамографа і камп'ютэрнага мадэлявання даследчыкі змаглі ўзнавіць голас Этці, ледзяной муміі. У Старажытным Егіпце ўважалася, што простае вымаўленне праўдзівага імя мерцвяка можа вярнуць яго да жыцця - што ж, магчыма і сучасная навука зможа ў нейкай ступені ажыўляць мёртвых.