У перамовах аб кошце газу Лукашэнка можа пазбавіцца галоўнага козыра

Тэрмін кантракту з «Газпрамам» мінае ўжо ў сакавіку.

Міжурадавае пагадненне аб парадку фармавання коштаў (тарыфаў) на газ і яго транспартаванне па газаправодах, размешчаных на тэрыторыі Рэспублікі Беларусь, складзенае 25.11.2011 года, не ўтрымлівае умоў выраўноўвання коштаў на газ, піша office life.

Ёсць правілы фармавання коштаў паставак у 2012-2016 гадах., асобна - на 2017 - 2019 гады. Тэрміны гэтых этапаў скончыліся, трэба дамаўляцца аб новых умовах. Ні пра якія роўныя кошты там не гаворыцца і нават тарыфы на паслугі транспартавання газу да іх не прывязаныя.

Пагадненне ўкладзенае на нявызначаны тэрмін, увайшло ў дзеянне разам з пагадненнем аб продажы акцый ААТ «Белтрансгаз» і можа спыніць сваё дзеянне толькі адначасова з ім.

Нагадаем, апошні кантракт з «Газпрамам» да сакавіка падоўжаны на коштавых умовах 2019 года.