У Маскве затрымалі паліцыянтаў, звольненых праз справу Галунова

Іх дапытваюць з СК Расеі.

У Маскве затрымалі і даставілі ў цэнтральны апарат СК для допыту некалькіх былых супрацоўнікаў УУС у Заходняй акрузе, звольненых у сувязі з незаконным крымінальным пераследам карэспандэнта «Медузы» Івана Галунова. Пра гэта паведаміў тэлеграм-канал Baza і пацвердзіў «Медуза» сам журналіст.

Следчыя дзеянні, як адзначаюць выданні, праходзяць у рамках расследавання фальсіфікацыі матэрыялаў справы Галунова пра захоўванне наркотыкаў – пра яе пачатак было абвешчана ў дзень снежаньскай прэс-канферэнцыі Уладзіміра Пуціна.

Усяго пасля спынення пераследу журналіста летам з органаў унутраных справаў былі звольненыя пяць чалавек – чацвёра аператыўнікаў УУС у ЗАТ і кіраўнік аддзела кантролю за зваротам наркотыкаў Андрэй Шчыроў. Усіх іх затрымалі для допыту за 29 студзеня, удакладнілі Інтэрфаксу ў прэс-службе Следчага камітэта.

Крыніца The Insider сцвярджае, што акрамя фальсіфікацыі матэрыялаў экс-паліцыянтам таксама ставяць у віну перавышэнне службовых паўнамоцтваў і захоўванне наркатычных рэчываў. У прэс-рэлізе СК пацверджання гэтаму няма: там прыводзіцца толькі адзін артыкул пра перавышэнне паўнамоцтваў (п. «в» ч. 3 арт. 286 КК)

Адвакат Галунова Сяргей Бадамшын таксама пацвердзіў затрыманне экс-паліцыянтаў. Раней ён скардзіўся, што за месяц пасля пачатку справы ім ні разу не паведамлялі пра якія-небудзь следчыя дзеянні з паліцыянтамі, якія ўдзельнічалі ў справе журналіста: матэрыялы былі засакрэчаныя і кантраляваць ход расследавання абарона не можа.