22 лютага 2020, Субота, 0:39
Засталося зусім крыху
Рубрыкі

Перад магчымым візітам Лукашэнкі блогер вывеў з сябе кіраўніцу Добрушскага раёна

88
Перад магчымым візітам Лукашэнкі блогер вывеў з сябе кіраўніцу Добрушскага раёна

Горад у аўральным парадку рамантуюць.

Добруш у аўральным парадку рыхтуецца сустракаць Лукашэнку, піша «Салiдарнасць».

- Дрэвы пілуюць і спальваюць, парканы фарбуюць, дзіркі латаюць або зафарбоўваюць, латаюць дахі старых будынкаў, укладваюць новенькую плітку і рамантуюць дарогі. А дзе-нідзе нават перакрываюць праезд да прыватных дамоў. Мабыць, каб простыя смяротныя выпадкова не выехалі на сустрэчы Лукашэнку, - паведамляе Telegram-канал Nexta.

YouTube-канал «Краіна для жыцця» апублікаваў відэа з Добруша:

- Аляксандр Рыгоравіч, можна прыязджаць! Усё амаль гатовае. Наводзіцца вельмі жорсткі парадак, як вы любіце, - кажа ў каментары да роліка яго аўтар, блогер Сяргей Ціханоўскі.

На відэа бачна, як мясцовыя рабочыя пілуюць і паляць хмызняк, косяць леташнюю траву. У нейкі момант блогер сустракае на месцы работ кіраўніцу Добрушскага раёна Вольгу Мохараву.

Спроба атрымаць каментар не ўдалася: чыноўніца моўчкі паказала аўтару відэа дулю і села ў аўто.

Аб прыездзе Аляксандра Лукашэнкі пішуць падпісанты Добрушскага пабліка «Вконтакте». Гучаць розныя даты: 31 студзеня і 3 лютага.