Лагер, на рамонт якога вылучылі $272 тысячы, прадалі за $520

Грошы на рамонт лагера збіралі ўсёй вобласцю.

Аздараўленчы лагер «Віцязь», размешчаны ў Сеньненскім раёне на плошчы ў 21,5 га, быў прададзены 27 студзеня. У яго склад уваходзяць 8 спальных карпусоў, кацельня, склады, медычнага і гаспадарчага корпуса, клуб-сталовая, артскважына, летняя эстрада, вальер для сабак, каналізацыйная помпавая станцыя, вадаправодная вежа, ачышчальныя збудаванні, вонкавае асвятленне, сеткі цеплазабеспячэння, футбольная і баскетбольная пляцоўкі, паведамляе «Белсат».

Лагер не выкарыстоўваўся з 2015 года. На аўкцыён яго выставілі ўжо 14-ым разам.

За 1105 рублёў, або блізу 520 даляраў, лагер набыў таварыства з абмежаванай адказнасцю з Аршанскага раёна. Новы ўласнік плануе выкарыстаць лагер у якасці базы адпачынку.

Як паведамляюць «Народныя навіны Віцебска», у 2014 годзе на аднаўленне лагера абласныя ўлады выдаткавалі 2,75 млрд недамінаваных рублёў, атрыманых на рэспубліканскім суботніку. Па курсе Нацбанка на той момант гэта было больш за 272 тысячы даляраў.