СМІ: Беларусь прапанавала Расеі адмовіцца ад даляра ў разліках за газ
34- 6.01.2020, 16:50
- 21,810
Пытанне прапрацоўваецца ў рамках адпаведнай стратэгіі.
Менск хоча прапанаваць змяніць пагадненне з Расеяй, выключыўшы магчымасць разліку ў замежнай валюце на тэрыторыі Беларусі паміж рэзідэнтамі за прыродны газ.
Як паведамляе «Эхо Москвы», ва ўрадзе і Нацбанку Беларусі мэта гэтай пастановы тлумачыцца падвышэннем даверу да беларускага рубля. Пытанне прапрацоўваецца ў рамках адпаведнай стратэгіі.
У пастанове адзначаецца, што выкарыстанне даляра пры разліках у паліўна-энэргетычнай сферы падвышае на яе попыт з боку эканамічных агентаў. Той факт, што кошты намінуюцца ў валюце «ўносіць дысбаланс на ўнутраны валютны рынак», а таксама «павялічвае неабгрунтаваныя дэвальвацыйныя чаканні з боку насельніцтва».
Нагадаем, 31 снежня пасля напружаных перамоў Менску атрымалася дамагчыся, каб леташні кошт газу захавалася яшчэ на два месяцы. Пры гэтым не ўдакладнялася, ці плануецца перагляд умоў пасля лютага.