Што гэта было?

Кіраўніцкія неспадзяванкі і вар'яцкія ідэі беларускіх чыноўнікаў у 2019-м годзе.

«Салідарнасць» пералічвае пастановы, якія зыходзілі ад чыноўнікаў, якія здольныя выклікаць здзіўленне.

Нягледзячы на нязменнасць кошту газу летась, кошт газазабеспячэння для грамадзян вырас на 25,6%.

Беларусам выгадней купляць многія беларускія тавары ў Расеі: аўтамабілі, малочную прадукцыю, цукар і г.д.

Крамы на прыпынках Менска сталі па-за законам, а «табакеркам» па ўсёй краіне ўключылі зялёнае святло.

Кіраўнікоў урада, міністраў прызначылі куратарамі ў назіральныя рады асобных дзяржпрадпрыемстваў.

Працаўнікоў выканкамаў рэгулярна адпраўлялі чысціць кароўнікі і выконваць іншыя сельскагаспадарчыя работы.

Прыбытковыя прыватныя прадпрыемствы дагрузілі стратнымі сельгасарганізацыямі.

Цэментавым прадпрыемствам даравалі хранічныя запазычанасці і падалі шчодрую дзяржпадтрымку, але адмаўляюцца ад іх прыватызацыі.

Настаўнікаў з Баранавіч у добраахвотна-прымусовым парадку папрасілі скінуцца на рамонт гарадскіх дарог.

Ну а самай «шалёнай ідэяй» 2019 года незалежныя эканамісты прызналі спробу палепшыць якасць карпаратыўнага кіравання, перамагчы карупцыю пры дзяржзакупках пры дапамозе ўказа аб барацьбе з нядобрасумленным пасрэдніцтвам.