Аляксандра Герасіменя пра «інаўгурацыю» Лукашэнкі: Як злачынца - ціха, таемна, не па-людску

Вядомая спартоўка крытычна выказалася пра «пацучыную інаўгурацыю».

Беларуская плыўчыха Аляксандра Герасіменя выказалася пра таямнічую «інаўгурацыю» Лукашэнкі, паведамляе «Трыбуна».

«Без каментароў. Складана сказаць, як гэта можна назваць. Улічваючы, што нават большасць прысутных там, не ведалі пра інаўгурацыю. Вельмі не па-людску. Ціха, таемна, як злачынца. Інакш не назавеш.

Ніхто пра мерапрыемства не ведаў, прайшло ў закрытым памяшканні і агрэсіўна настроеныя праваахоўныя органы, калі іх яшчэ можна так назваць. Мы бачылі, што людзей проста збіваюць, ловяць. Гэта дзікунства, гэта беззаконне. Мы змагаемся супраць гэтага», - сказала Герасіменя.