Лукашэнка павіншаваў прэзідэнта Кіпра, успомніў салідарнасць і ўзаемадапамогу

Кіпр неаднаразова накладаў вета на пакет штрафных захадаў супраць уладаў Беларусі.

Лукашэнка павіншаваў прэзідэнта Кіпра Нікаса Анастасіядыса з Днём незалежнасці, паведамляе «Радыё Свабода»:

«У сённяшніх умовах, калі ўвесь свет сутыкнуўся з шэрагам выклікаў і пагроз, асабліва значнымі становяцца такія паняцці, як салідарнасць і ўзаемадапамога».

Кіпр неаднаразова накладаў вета на пакет штрафных захадаў супраць кіраўніцтва Беларусі. Сваё супрацьдзеянне санкцый супраць Беларусі кіпрскі бок патлумачыў тым, што імкнецца ўвесці санкцыі ЕЗ супраць Турцыі, якая вядзе выведку газу ў спрэчных водах усходняй часткі Міжземнага мора.