Што за смуга бачная над Менскам
4- 1.10.2020, 19:58
- 44,464
Спецыялісты патлумачылі.
Сёння над Менскам як быццам павісла смуга - падобна на дым ад пажару, але напраўду гэты пыл з расейскага чарназёму.
Як tut.by расказаў начальнік службы метэаралагічных прагнозаў Белгідрамета Аляксандр Бяганскі, гэта не дым, а пыл з расейскага чарназёму. Прычым гэта з'ява сёння адзначалася не толькі ў сталіцы, але і ў Гарадзенскай, Гомельскай і, на паведамленні чытачоў, Берасцейскай вобласці.
- Ёсць інфармацыя, што на поўдні еўрапейскай часткі Расеі назіраліся вельмі моцныя пылавыя буры праз моцны парывісты вецер. Цяпер гэты пыл падняўся ў верхнія слаі атмасферы. У сувязі з тым, што ўтрымліваецца ўстойлівы паўднёва-заходні перанос паветраных мас, гэта ўсё дабралася і да нашай краіны - транзітам праз Украіну, - растлумачыў ён.
Есть мнение, что сегодняшняя плотная дымка в РБ все же пыль, поднятая сильным ветром с Прикаспийских степей в РФ. На спутнике наблюдается характерное помутнение атмосферы (фото А). Ну и пожары там тоже есть (Б), от того и пахнет ).
— Блізкі космас. (@nadvorie) October 1, 2020
На карте 3 - прогноз Dust Surface Concentration. pic.twitter.com/sRO5EF20Po
Аляксандр Віктаравіч дадае, што па спадарожніку прасочваецца - пылавое воблака распаўсюджваецца і на краіны Балтыі - Літву, Латвію. Найбольш прыкметны пыл, калі стаіць яснае надвор'е. Так, сёння ў Менску ў першай палове дня смуга была не такой прыкметнай з-за хмар. Але згодна з пунктамi назіранняў, бачнасць пагаршалася да 5-6 кіламетраў. Гэта не занадта добра, але не крытычна.
Аднак у Белгідрамеце разлічваюць, што заўтра сітуацыя зменіцца. Па-першае, сёння быў даволі-такі істотны парывісты вецер, таму пыл пераносіўся хутчэй. Заўтра вецер павінен быць трохі слабейшы, так што павінны пачацца паляпшэнні. Хоць, каб карціна змянілася кардынальным чынам, спатрэбяцца змены ў верхніх пластах атмасферы - каб паветраныя патокі змяніліся хоць бы з усходніх на паўднёвыя, і прайшло большую колькасць ападкаў.
Плюс заўтра чакаюцца ападкі - невялікія дажджы, прынамсі, у цэнтральных раёнах Беларусі. Больш істотныя дажджы павінны прайсці па паўднёвым захадзе - гэта Берасцейская вобласць, часткова Гарадзенская, магчыма, Гомельская. Але так як вецер будзе ўсё яшчэ паўднёва-усходні, хоць і слабы, ёсць верагоднасць, што ў раёнах з малой колькасцю ападкаў смуга захаваецца. Але паступова сітуацыя павінна палепшыцца.