Навукоўцы назвалі эфектыўны спосаб падоўжыць жыццё

У эксперыменце ўзялі ўдзел блізу 7 тысяч добраахвотнікаў.

Навукоўцы Нарвежскага ўніверсітэта прыродазнаўчых і тэхнічных навук высветлілі, што інтэнсіўныя трэніроўкі на працягу пяці гадоў могуць палепшыць здароўе і падоўжыць жыццё. Вынікі даследавання апублікаваныя ў часопісе British Medical Journal (пераклад - ria.ru).

У эксперыменце ўдзельнічала блізу сямі тысяч добраахвотнікаў ва ўзросце ад 70 да 77 гадоў, якіх падзялілі на тры групы.

У першай падыспытныя два разы на тыдзень выконвалі высокаінтэнсіўныя трэніроўкі, якія ўключаюць дзесяціхвілінную размінку і па чатыры хвіліны практыкаванняў і адпачынку. Удзельнікі другой групы трэніраваліся з пастаяннай умеранай інтэнсіўнасцю па 50 хвілін два разы на тыдзень. Добраахвотнікі з трэцяй групы займаліся паводле рэкамендацый нарвежскага Міністэрства аховы здароўя.

Праз пяць гадоў спецыялісты параўналі звесткі па смяротнасці сярод усіх удзельнікаў эксперыменту. У першай групе гэты паказчык склаў тры працэнты, у другі - амаль шэсць адсоткаў, а ў трэцяй - 4,7 працэнта.

Як адзначаюць навукоўцы, розніца не з'яўляецца статыстычна значнай, аднак сведчыць пра сувязь паміж высокаінтэнсіўнымі трэніроўкамі і добрым самаадчуваннем, а таксама больш высокай працягласцю жыцця.