Трэба быць больш жорсткімі

Пра гэта народны блогер заявіў у размове з жонкай.

Сёння адбылася тэлефонная размова паміж Сяргеем і Святланай Ціханоўскай. Адзначым, што гэта іх першая размова з моманту арышту Сяргея 29 траўня ў Горадні.

У ходзе размовы Сяргей Ціханоўскі заклікаў Святлану дзейнічаць больш жорстка. Публікуем урывак дыялогу:

Сяргей: Я думаю, што нармальна ўсё будзе.

Святлана: Я таксама так думаю. Можа быць, цябе ўжо дзесьці сустракаць?

Сяргей: Не. (Паўза) Ну, трэба неяк больш жорстка быць.

Святлана: Цвярдзей? Я перажываю проста за ўсіх, хто ў турме знаходзіцца - каб на вас гэта ўсіх не адбілася. Але значыць будзем больш жорсткімі.

Адзначым, што заўтра а 14:00 у Беларусі пройдзе Марш Гонару. Шэраг апазіцыйных палітыкаў і Telegram-каналаў заклікаў беларусаў выйсці на вуліцы сваіх гарадоў.