Даляр зноў пачаў даражэць

Якія курсы валют цяпер у абменніках.

Даляр зноў пачаў расці на таргах на Беларускай валютна-фондавай біржы. Tut.by паглядзеў, якія курсы валют устанавілі абменнікі.

На таргах на Беларускай валютна-фондавай біржы даляр вырас на 0,05% - да 2,5713 рубля, еўра ўпаў на 0,09% - да 3,0304 рубля, а расейскі рубель зменшыўся на 0,26% - да 3,3262 рубля за 100 расейскіх рублёў (гэта звесткі на 10:31).

Самы высокі курс продажу банкамі даляра - 2,62 рубля («Беларусбанк», «Цэптэр Банк»), а самы нізкі - 2,575 рубля («Абсалютбанк» і «Paritetbank»). Удакладнім, што ў розных абменніках аднаго банка могуць адрознівацца курсы валют.

Больш выгадна здаваць амерыканскую валюту ў «Paritetbank», «Абсалютбанк», «БСБ Банк», «Тэхнабанк», «РРБ-Банк», «Франсабанк» - 2,57 рубля.

Курс продажу банкамі еўра самы высокі ў «Цэптэр Банку» - 3,09 рубля, а спамы нізкі ў «Абсалютбанку» - 3,033 рубля.

Еўра выгадна здаваць у «Белінвестбанку», «Франсабанку» - 3,029 рубля.