На чыгуначнай станцыі пад Слуцкам адбыўся выцек салянай кіслаты
2- 14.10.2020, 10:19
- 16,530
Цягнік адагналі на некалькі сотняў метраў ад станцыі.
На чыгуначнай станцыі пад Слуцкам здарылася НЗ - з цыстэрны адбыўся выцек салянай кіслаты, аднак аварыю ўдалося ліквідаваць. Пра гэта паведамляе прэс-служба МНС Беларусі.
Увечары ў аўторак, 13 кастрычніка, быў выяўлены выцек салянай кіслаты з чыгуначнай цыстэрны каля станцыі «Некрашы» Слуцкага раёна, недалёка ад вёскі Малая Сліва.
Увесь цягнік адагналі на некалькі сотняў метраў ад станцыі, ліквідацыяй наступстваў аварыі займаліся супрацоўнікі Цэнтра хімічнай і радыяцыйнай абароны - працёк у цыстэрне ўдалося ліквідаваць з дапамогай магнітнага бандажа.
Як паведамляецца, у выніку здарэння ніхто не пацярпеў, эвакуацыя таксама не праводзілася, а затрымка ў руху пасажырскіх цягнікоў склала менш за паўтары гадзіны.