Беларусы сталі перасылаць больш грошай за мяжу

Сярэдняя сума аднаго пералічэння склала $440,67.

Грашовыя пералічэнні беларусаў за мяжу ў трэцім квартале 2020 года выраслі на 22,7% да аналагічнага перыяду 2019 года. Пра гэта кажуць звесткі Нацыянальнага банка, піша myfin.by.

Паводле статыстыкі Нацбанка, з Беларусі праз міжнародныя сістэмы грашовых пералічэнняў у трэцім квартале было пералічана блізу $ 61,45 млн (для параўнання: $50,08 млн годам раней).

У Беларусь з-за мяжы паступіла $84,45 млн пералічэнняў. Гэта на 4,7% больш, чым у трэцім квартале 2019 года ($ 80,640 млн).

Што ў выніку?

Сярэдняя сума аднаго пералічэння, адпраўленага з Беларусі, склала $440,67 (годам раней было $ 419,93), а атрыманыя ў Беларусі - $ 273,73 (у трэцім квартале 2019 года - $283,05).

Пералічэнні праз ўнутрыдзяржаўныя сістэмы склалі 40,39 тысяч рублёў (у трэцім квартале 2019 гады - 704,7 тысяч рублёў). Сярэдняя сума аднаго пералічэння - 267,27 рубля (310,86 рубля ў аналагічным перыядзе 2019 года).