Сёння ў Беларусі пройдзе Партызанскі марш
40- 18.10.2020, 8:06
- 80,331
Марш стартуе а 14:00 у Менску і іншых гарадах краіны.
Наша краіна вядомая ўсяму свету як партызанскі край. У кожнага беларуса ёсць партызанскія гены. І ў кожным з нас жыве дух народных мсціўцаў.
Найбуйнейшыя беларускія тэлеграм-каналы заклікалі грамадзян краіны выйсці ў гэтую нядзелю, 18 кастрычніка на Партызанскі марш.
Месца збору ў Менску - плошча і праспект Незалежнасці.
У іншых гарадах краіны - цэнтральныя вуліцы і плошчы.
Час традыцыйны - 14:00.
Гэта будзе Марш партызан, зацятых і непераможных беларусаў, гатовых змагацца за сваю будучыню і будучыню сваёй краіны.
Нагадваем, што Народны ўльтыматум уладам сканчаецца 25 кастрычніка. Нашы патрабаванні:
1. Лукашэнка павінен абвесціць пра сыход.
2. Гвалт на вуліцах павінны спыніцца цалкам.
3. Усе палітвязні павінны быць вызваленыя.