Сталі вядомыя падрабязнасці пажару на кітайскім ЦКК у Светлагорску

Мясцовыя жыхары кажуць, што ў горадзе дыхаць стала яшчэ цяжэй.

Стала вядома, што ў 10:38 выратавальнікі выехалі да месца НС. Узнікла адкрытае гарэнне даху рэзервуара на адрэзку падрыхтоўкі талавага алею. Загінуў супрацоўнік іншай арганізацыі, які праводзіў рамонтныя працы на гэтым рэзервуары. У гэты момант ратавальнікі ліквідуюць загаранне і астуджаюць суседні рэзервуар, піша тэлеграм-канал NEXTA.

Тым часам мясцовыя жыхары паведамляюць, што ў горадзе паветра забруджанае мацней чым звычайна, дыхаць стала яшчэ цяжэй.

Тэлеграм-канал нагадвае, што камбінат будаваўся кітайскім забудоўнікам з удзелам крэдыту Эксімбанка Кітая. Пасля шматлікіх скаргаў мясцовых жыхароў на непрыемны пах, удушша, млоснасць, пяршэнне ў горле, ваніты пасля ўводу прадпрыемства ў эксплуатацыю мясцовыя ўлады і прадстаўнікі завода пацвердзілі факт выкідаў, але назвалі іх часовымі і звязалі гэта з вымушанай наладкай абсталявання. У 2019 годзе ў сеціва патрапілі фатаграфіі абрынулага даху ў адным з новых цэхаў – тады кіраўніцтва камбіната заявіла, што праводзіцца планавы рамонт даху. А сёлета на камбінаце падчас рамонтных працаў прарвала трубу з гарачай шчолакавай сумессю, у выніку два чалавекі атрымалі цяжкія апёкі, а пазней адзін з іх памёр у лякарні ў Менску.

Пракляты завод смерці.