Сенатарка Харыс можа стаць першай у гісторыі жанчынай на пасадзе віцэ-прэзідэнта ЗША

Апытанні і аналітыкі прадракаюць перамогу пары Байдэн-Харыс.

Сенатарка ад Каліфорніі Камала Харыс стала першай цемнаскурай і першай амерыканкай індыйскага паходжання кандыдаткай у віцэ-прэзідэнты ЗША. За два тыдні да выбараў, якія намечаныя на 3 лістапада, аналітыкі мяркуюць, што кандыдат Дэмакратычнай партыі Джо Байдэн можа перамагчы свайго канкурэнта, дзейнага прэзідэнта і кандыдата Рэспубліканскай партыі Дональда Трампа. У выпадку такога сцэнару, сенатарка Харыс стане першай жанчынай віцэ-прэзідэнтам ЗША, піша zn.ua.

Хто такая Камала Харыс

Бацькі Камалы Харыс, якой 20 кастрычніка споўніцца 56 гадоў, імігранты. Яе бацька з Ямайкі. Маці з Індыі, якая некалі сказала ёй: «Не сядзі і не скардзіся на рэчы, а зрабі што-небудзь». Паводле афіцыйнага паведамлення кампаніі Байдэн-Харыс, гэта і рухае сенатаркай кожны дзень.

Яна скончыла Говардскі Універсітэт, затым атрымала юрыдычную адукацыю ў Гасцінскім каледжы правы Каліфарнійскага Універсітэта. Сенатарка Харыс замужам за Дугласам Эмхофам ужо шэсць гадоў. Пара выхоўвае двух дзяцей Эмхофа.

Сваю юрыдычную кар'еру яна пачала з судовага пераследу ў справах аб сэксуальным гвалце над дзецьмі. Пасля гэтага Харыс стала першай цемнаскурай жанчынай, абранай акруговым пракурорам Сан-Францыска. Тады яна пачала праграму за наданне другога шанцу тым, хто ўпершыню ўчыніў злачынства, звязанае з наркотыкамі. Ім прапаноўвалі атрымаць вышэйшую адукацыю і ўладкавацца на працу.

10 гадоў таму Камала Харыс стала першай цемнаскурай жанчынай, абранай генеральным пракурорам Каліфорніі, якая курыравала найбуйнейшае аддзяленне Міністэрства юстыцыі краіны сярод усіх штатаў. На гэтай пасадзе яна выйграла $20 млрд урэгулявання для домаўладальнікаў Каліфорніі ў справах супраць буйных банкаў, якія несправядліва выкуплялі дамы.

Камала Харыс працавала над абаронай Obamacare, дапамагла дамагчыся раўнапраўя шлюбаў для ўсіх, абараніла гістарычны закон Каліфорніі аб змяненні клімату і выйграла 1,1 мільярда даляраў ЗША ў спрэчцы з камерцыйнай адукацыйнай кампаніяй, якая падманвала студэнтаў і ветэранаў. Яна таксама абараняла правы каліфарнійскіх суполак і пераследавала транснацыянальныя банды, якія займаліся гандлем людзьмі, кантрабандай зброі і наркабізнэсам.

З моманту абрання ў Сенат ЗША ў 2016 годзе, ужо сенатар Харыс увяла і выступіла адным з суаўтараў законаў, накіраваных на наданне дапамогі сярэдняму класу, падвышэнне мінімальнага заробку да 15 даляраў, рэфармаванне сістэмы грашовага закладу і абарону законных правоў уцекачоў і імігрантаў.

Яна ўваходзіць у склад Спецыяльнага камітэта Сената ў выведцы, які займаецца найбольш адчувальнымі пытаннямі нацыянальнай бяспекі і міжнароднымі пагрозамі. Яна таксама ўваходзіць у склад Камітэта Сената ў нацыянальнай бяспецы і ўрадавых справах, дзе сочыць за дзейнасцю федэральнага ўрада для рэагавання на стыхійныя бедствы і надзвычайныя сітуацыі, у тым ліку за дзейнасцю адміністрацыі Трампа ў рэагаванні на пандэмію COVID-19.

Падчас сваёй кампаніі ў вылучэнні ў прэзідэнты яна казала, што хацела б прадаўжаць падтрымліваць Украіну.