У Ватыкане з удзелам Тадэвуша Кандрусевіча абмеркавалі сітуацыю ў Беларусі
5- 19.10.2020, 19:30
- 24,193
Таксама кіраўнік Каталіцкага касцёла абмеркаваў сваё вяртанне на радзіму.
19 кастрычніка арцыбіскуп Тадэвуш Кандрусевіч наведаў Ватыкан па запрашэнні Дзяржаўнага сакратарыята.
Кандрусевіч сустрэўся з кардыналам дзяржсакратаром П'етра Паралінам і сакратаром у дачыненнях Святога пасаду з дзяржавамі арцыбіскупам Полам Рычардам Галахерам.
На сустрэчы абмяркоўвалася сітуацыя ў Беларусі і планы вяртання Кандрусевіча ў Беларусь, паведамляе Vatican News.
Святы прастол заклапочаны забаронай Кандрусевічу вярнуцца ў Беларусь, прыкладвае максімум намаганняў для хутчэйшага паляпшэння сітуацыі і спадзяецца, што праблема хутка развяжацца, гаворыцца ў паведамленні.
Беларускія ўлады не пусцілі кіраўніка каталіцкай царквы Беларусі ў краіну 31 жніўня. Падставай для гэтага пазней Дзяржаўны памежны камітэт назваў ануляванне яго пашпарта. МУС заявіла, што ў дачыненні да Кандрусевіча праводзілася праверка пра наяўнасць у яго беларускага грамадзянства.
У верасні Беларусь наведаў сакратар Святога пасаду ў сувязях з дзяржавамі арцыбіскуп Пол Галахер. Ён спрабаваў дамагчыся паразумення з беларускімі ўладамі з нагоды ўезду Кандрусевіча, аднак беспаспяхова. Галахер мяркуе, што ў выніку архіепіскапу дазволяць вярнуцца ў Беларусь, але пры гэтым могуць быць выстаўлены непрымальныя ўмовы.