Мікалай Статкевіч: Беларусы ўсвядомілі каштоўнасць свабоды, мы пераможам
40- 19.10.2020, 19:50
- 52,053
Ні адзін рэжым не зможа ўтрымаць панаванне над такім народам.
Лідар «Народнай грамады» і палітвязень Мікалай Статкевіч упэўнены ў перамозе беларускага народа над рэжымам Лукашэнкі.
Частку ліста Мікалая Статкевіча апублікавала ў Facebook ягоная жонка Марына Адамовіч.
«Шлях да свабоды цяжкі і звілісты. Але адбылося галоўнае - людзі ўсвядомілі каштоўнасць свабоды, яны аб'ядналіся дзеля яе і гатовыя рызыкаваць сваёй асабістай свабодай, здароўем і нават жыццём дзеля вызвалення.
Ні адзін рэжым не зможа ўтрымаць панаванне над такім народам.
Мы ўсё роўна пераможам.
На жаль, я не магу зараз быць з тымі, хто ахвяруе сабой дзеля Беларусі. Але маё сэрца з імі», - напісаў Мікалай Статкевіч.