Лекарка Букінгэмскага палаца распавяла, як хутка аднавіцца пасля каранавіруса

Адным з ключоў да гэтага служыць збалансаванае харчаванне.

Былая лекарка Букінгэмскага палаца Ганна Хемінг (Anna Hemming) распавяла, што ўплывае на хуткае аднаўленне пры каранавірусе. Адным з ключоў да гэтага служыць збалансаванае харчаванне, піша cursorinfo.co.il.

Інфекцыйнае захворванне на сёння пацверджанае больш як у 1,7 мільёна чалавек ва ўсім свеце. Урады краін настойліва заклікаюць людзей заставацца дома, ад далейшага распаўсюджвання небяспекі.

Некаторыя пацыенты, якія маюць каранавірус, нават не ведаюць пра гэта, бо ў іх можа не быць ніякіх прыкмет хваравітага стану, у іншых жа асоб развіваюцца цяжкія сімптомы, якія патрабуюць стацыянарнага лячэння.

Ганна Хемінг запэўніла, нягледзячы на тое, што няма ніякага спосабу даведацца, якія ж будуць наступствы, людзі, якія знаходзяцца ў добрай форме і здаровыя, а таксама аддаюць перавагу здароваму харчаванню, хутчэй за ўсё, будуць мець лёгкія сімптомы COVID-19.

«Вы можаце быць шпіталізаваны з каранавірусам, калі вы здаровы чалавек, але гэта менш імаверна. Няма ніякай гарантыі, у якую групу вы можаце патрапіць. Я ведаю, што некалькі здаровых і надзвычай спартыўных маладых людзей, якія знаходзяцца ў цяпер у шпіталі на ШВЛ, з усіх сіл спрабуючы выкараскацца. Аднак добра задакументавана, што ўсё ж аднаўляюцца хутчэй тыя, хто займаецца спортам, маюць добрае збалансаванае харчаванне», - адзначыла былая лекарка Букінгэмскага палаца.

Рэкамендуецца, каб кожны чалавек стараўся ёсць не менш за пяць порцый садавіны і агародніны кожны дзень. Што тычыцца практыкаванняў, то варта іх рабіць прынамсі 150 хвілін сярэдняй інтэнсіўнасці кожны тыдзень.