Санкцыі Еўразвязу супраць рэжыму Лукашэнкі набылі моц

У спісе 40 імёнаў беларускіх чыноўнікаў.

Еўразвяз актываваў санкцыйны спіс супраць беларускіх чыноўнікаў, у які ўвайшлі 40 чалавек. Пра гэта на выніковай прэс-канферэнцыі саміта ЕЗ заявіў кіраўнік Еўрапейскай рады Шарль Мішэль. Запіс выступу апублікаваны на старонцы кіраўніка ЕЗ у Twitter.

«Мы ўвялі ў дзеянне сёння чорны спіс на 40 імёнаў», - сказаў ён.

Удакладняецца, што ў санкцыйны спіс ЕЗ што да Беларусі ўключаны кіраўнік МУС, шэраг кіраўнікоў КДБ і іншыя камандзіры сілавікоў, начальнік СІЗА на Акрэсціна, члены ЦВК.