Незвычайныя зоркі распавялі пра гісторыю Млечнага шляху

У сваім даследаванні астрафізікі скарысталіся самымі перадавымі метадамі кампутарнага мадэлявання.

Даследнікі з Універсітэта Сурэя прааналізавалі навалу зорак, якія хутка верцяцца, у ядзерным зорным загрувашчванні (NSC), якое знаходзіцца ў цэнтры Млечнага шляху. Яны мяркуюць, што гэтыя зоркі маглі міграваць туды з ускраін галактыкі, піша «Популярная механика».

У сваім даследаванні астрафізікі скарысталіся самымі перадавымі метадамі кампутарнага мадэлявання, каб знайсці адказ, як гэтыя незвычайныя зоркі апынуліся ў цэнтры нашай галактыкі. Паводле адной з версій паходжання гэтыя зоркі - гэта тое, што засталося ад вялікай колькасці зорак, што ўтварылася ў некалькіх светлавых гадах ад цэнтра Млечнага шляху. Таксама навукоўцы мяркуюць, што гэтыя зоркі могуць пахлдзіць з карлікавай галактыкі, першапачаткова размешчанай прыкладна на адлегласці за 320 000 светлавых гадоў ад цэнтра галактыкі.

Але незалежна ад паходжання, гэтыя зоркі, якія хутка верцяцца, павінны былі дасягнуць цэнтра Млечнага Шляху падчас падзеі, якая адбылася паміж 3 і 5 мільярдамі гадоў таму. Затым тая ж міграцыя зорак была перапыненая магутнымі прыліўнымі сіламі НБК.

Са слоў вядучага аўтара даследавання Алесіі Гуаландрыс, гэта адкрыццё магло б прадстаўляць канчатковы доказ таго, што Млечны Шлях за час свайго існавання, імаверна, некалькі разоў паглынаў зорныя навалы ці нават карлікавыя галактыкі.