Футбольны клуб «Першы Рэгіён» прыпыніў удзел у чэмпіянаце Беларусі
5- 2.10.2020, 20:01
- 20,806
Клуб заявіў, што не згодныя з тым, што адбываецца ў краіне і спорце.
Футбольны клуб «Першы Рэгіён» прыпыніў свой удзел у другой лізе чэмпіянату Беларусі ў футболе. Пра гэта паведамляецца на старонцы каманды ў сацыяльнай сеткі, піша tut.by.
У адкрытым лісце да АБФФ прадстаўнікі клуба заявілі, што не згодныя з падзеямі, якія адбываюцца ў беларускім спорце і краіне ў адносінах да спартоўцаў, каманд і прадстаўнікоў СМІ.
«На камандным сходзе мы наважылі, што павінны выказаць салідарнасць з калегамі, якія доўгія гады ў любым стане ваявалі да крыві за гонар Беларусі на спаборніцтвах, якія прасоўвалі наш спорт у медыяполі», - паведамляецца ў заяве клуба.
«Першы Рэгіён» прыпыняе свой удзел у другой лізе чэмпіянату Беларусі, пакуль не нармалізуецца сітуацыя:
«Мы прыносім свае прабачэнні за не згуляныя гульні спаборнікам, нашым неверагодным заўзятарам і партнёрам. Спадзяемся, што наша сумесная праца на карысць берасцейскага футбола дазволіць нам яшчэ шмат разоў убачыцца на стадыёнах».