Азербайджан заявіў аб узяцці горада і 24 сёлаў у Карабаху

Баі паміж войскамі Арменіі і Азербайджана прадаўжаюцца.

У звароце да народа прэзідэнт Азербайджана Ільхам Аліеў сказаў, што войска заняла горад Зангелан і 24 вёскі ў Зангеланскім, Фізулінскім, Джабраільскім і Хаджавендскім раёнах, паведамляе «Новое время».

«Зангелан - наш! Карабах - наш!» - заявіў Ільхам Аліеў.

Нагадаем, поўнамаштабныя баявыя дзеянні паміж армянскімі і азербайджанскімі войскамі на лініі судакранання ў Нагорным Карабаху аднавіліся ў ноч на 27 верасня.

Абедзве краіны вінавацяць адна адну ў эскалацыі канфлікту і заяўляюць аб баявых стратах і ахвярах сярод грамадзянскіх і вайскоўцаў. Паводле звестак і Баку, і Ерэвана, праціўнік выкарыстоўвае цяжкае ўзбраенне і наймітаў.