У Менску гарэў будынак Міністэрства сельскай гаспадаркі і харчавання
9- 21.10.2020, 12:30
- 26,972
Эвакуавалі 150 чалавек.
Сёння ў Менску на вуліцы Кірава здарыўся пажар. Гарэла не кватэра і не бытоўка, а Міністэрства сельскай гаспадаркі і харчавання.
21 кастрычніка а 09:24 на нумар «101» паступіла паведамленне пра ўзгаранне ў кабінеце на трэцім паверсе адміністрацыйнага будынка на вуліцы Кірава, 15 у Менску. Спрацавала пажарная аўтаматыка, паведамляе МНС.
Да прыбыцця ратавальнікаў эвакуавалі 150 чалавек. Пазней высветлілася, што адбылося загаранне маёмасці ў кабінеце на трэцім паверсе. Ніхто не пацярпеў. Узгаранне было аператыўна ліквідаванае парашковым вогнетушыцелем супрацоўнікамі кабінета яшчэ да прыбыцця работнікаў МНС. Прычына высвятляецца, разглядаецца версія - кароткае замыканне абагравальніка ў кабінеце.
Адзначым, што ўжо некалькі дзён як у сталіцы ўключылі ацяпленне, і незразумела, чаму ў кабінеце мог працаваць абагравальнік.