У Еўрапарламенце прапанавалі стварыць цэнтр расследавання злачынстваў АМАПа ў Беларусі
18- 21.10.2020, 14:02
- 24,096
З ініцыятывай выступіў літоўскі еўрадэпутат Андрус Кубілюс.
Еўрадэпутат Андрус Кубілюс у сваім дакладзе прапанаваў стварыць місію з былых прэзідэнтаў і прэм'ераў. Напрыклад, такую місію Еўрапарламент сфармаваў у 2012 годзе для маніторынгу палітычна матываваных крымінальных справаў ва Украіне. Яшчэ адна прапанова Кубілюса – стварыць спецыяльны цэнтр для «міжнароднага расследавання злачынстваў беларускага АМАПа», паведамляе «Нямецкая хваля».
Практычна ўсе еўрадэпутаты, якія выступілі, выказаліся ў падтрымку дакладу.